Новгородская первая летопись старшего извода


Новгородская первая летопись старшего извода

Синодальный список
«... а вы плотници суще, а приставимъ вы хоромъ рубити». И начя Дьнѣпрь 1 мьръзнути. И бяше Ярославу мужь въ приязнь у Святопълка; и посла к нѣму Ярославъ нощью 2 отрокъ свои, рекъ к нѣму. И рекъ к нему: «оньси 3, что ты тому велиши творити; меду мало 2 варено а дружины много». И рече ему мужь тъ: «рчи тако Ярославу: даче меду мало 2, а дружины много, да къ вечеру въдати». И разумѣ Ярославъ, яко въ 4 нощи 5 велить сѣцися. И томь 8 вечере перевозися Ярославъ съ вои на другыи полъ Дънѣпра 7, и лодь 7 отринуша от берега; и тои нощи поидоша на сѣцю. И рече Ярославъ дру/л.1об./жинѣ: «знаменаитеся, повиваите собе убрусы голову». И бысть сечи злѣ, и до свѣта победиша Святопълка. И бѣжя Святопълкъ въ Печѣнѣгы, а Ярослав иде Кыеву, и сѣде на столѣ отця своего Володимира. И нача вое свое дѣлити: старостамъ по 10 гривенъ, а смердомъ по гривнѣ, а новъгородьчемъ по 10 всѣмъ; и отпусти я домовь вся.

Въ лѣто 6525 [1017]. Ярославъ иде къ Берестию. И заложена бысть святая София Кыевѣ.

Въ лѣто 6528 [1020]. Родися Володимиръ сынъ у Ярослава. /л.2./

Въ лѣто 6529 [1021]. Побѣди Ярославъ Брячислава.

Въ лѣто 6536 [1028]. Знамение змиево на небеси явися.

Въ лѣто 6544. /л.2об./

Въ лѣто 6545 [1037]. Заложи Ярославъ город Кыевъ, и церковь святыя София.

Въ лѣто 6547 [1039]. Освящена бысть церкы святыя Богородиця Володимиромь.

Въ лѣто 6550 [1042]. Володимиръ иде на Емь съ новгородьци, сынъ Ярославль.

Въ лѣто 6551 [1043]. Володимиръ иде на Грькы.

Въ лѣто 6552 [1044]. Погрѣбена быста 3 2 князя, сына Святославля: Яропълъ, Ольгъ; и крестиша 4 кости ею.

Въ лѣто 6553 [1045]. Съгорѣ святая София, въ суботу, по заутрьнии, въ час 3, мѣсяця марта въ 15. Въ то же лѣто /л.3./ заложена бысть святая София Новѣгородѣ Володимиромь князѣмь.

Въ лѣто 6558 [1050]. Родися Святопълкъ.

Въ лѣто 6559 [1051]. Постави Ярославъ Лариона Русина митрополитомь 6.

Въ лѣто 6560 [1052]. Прѣставися Володимиръ, сынъ Ярославль, въ Новѣгородѣ, мѣсяця октября въ 4.

Въ лѣто 6562 [1054]. Прѣставися Ярославъ, и сѣде Изяслав Кыевѣ на столѣ.

Въ лѣто 6565. /л.3об./

Въ лѣто 6567 [1059]. Высадиша Судислава ис поруба.

Въ лѣто 6568 [1060]. Прѣставися Игорь Ярославиць.

Въ лѣто 6569 [1061]. Придоша Половьци 1 и побѣдиша Всѣволода мѣсяця феураря въ 2.

Въ лѣто 6573 [1065]. Почя Всѣславъ рать дрьжяти; и на западѣ явися звѣзда велика.

Въ лѣто 6574 [1066]. Приде Всѣславъ и възя Новъгородъ, съ женами и съ дѣтми; и колоколы съима у святыя Софие. О, велика /л.4./ бяше бѣда въ час тыи; и понекадила съима.

Въ лѣто 6575 [1067]. Побѣдиша Всѣслава на Немизѣ. Томь же лѣтѣ яша и на Рши.

Въ лѣто 6576 [1068]. Гнѣвъ божии бысть: придоша Половци и побѣдиша Русьскую землю. Въ то же лѣто высѣкоша кыянѣ Всѣслава ис поруба. Томь жѣ лѣтѣ побѣди Святослав Половце у Снъвьска, а Изяславъ бѣжа въ Ляхы.

Въ лѣто 6577 [1069]. Приде Изяславъ съ Ляхы, а Всѣслав бѣжа Полотьску; и погоре Подолие. Въ то же лѣто, осень, мѣсяця октября въ 23, на святого Якова брата господня, въ пятничи, въ чяс 6 дни, опять приде Все 1... /л.4об./ къ Новугороду; новгородци же поставиша пълъкъ противу ихъ, у Звѣринця на Къземли; и пособи богъ Глѣбу князю съ новгородци. О, велика бяше сѣця Вожяномъ, и паде ихъ бещисльное число; а самого князя отпустишя бога дѣля. А на заутрие обрѣтеся крѣст честныи Володимирь у святѣи Софие Новѣгородѣ, при епископѣ Федоре.

Въ лѣто 6578 [1070]. Родися Ростислав; и церкы заложена бысть святого Михаила манастырь Кыевѣ.
Въ лѣто 6580 [1072]. Пѣренесена быста 2 Бориса и Глѣба съ Льта Вышегороду.

Въ лѣто 6581 1. [1073] /л.5./ Заложена бысть церкы Печерьская Феодосомь игуменомь. Въ то же лѣто прогнаста Изяслава въ Ляхы Святослав и Всѣволодъ.

Въ лѣто 6582 [1074]. Прѣставися Федосъ, игуменъ Печерьскыи, мѣсяця маия въ 3.

Въ лѣто 6585 [1077]. Прѣставися Феодоръ архепископъ новгородьскыи.

Въ лѣто 6586 [1078]. Бѣжа Ольгъ Тъмутороканю, и приведе Половче, и побѣди Всѣволода на Съжицяхъ. Въ то же лѣто бысть сѣця у Чьрнигова, и убьена быста 2 2 князя: Изяслав и Борис.

Въ лѣто 6587 [1079]. Убиша за Волокомь князя Глѣба, мѣсяця маия въ 30. Въ то же лѣто убиша Половчи Романа. /л.5об./

Въ лѣто 6596 [1088]. Священа бысть церкы святого Михаила.

Въ лѣто 6597 [1089]. Священа бысть церкы Печерьская Иоаномь митрополитомь; томь же лѣтѣ прѣставися.

Въ лѣто 6598 [1090]. Приведе Янъка митрополита скопьця. Въ то же лѣто священа бысть церкы 3 святого Михаила Переяславли.

Въ лѣто 6599 [1091]. Перенесоша игумена печерьскаго Федоса въ манастырь ис печерѣ. Въ то же лѣто прѣставися Иоанн скопечь митрополит. /л.6./

Въ лѣто 6600 [1092]. Наиде рана на Полочяны, яко нѣкако бяше ходити уличямъ 4, яко мнѣти в... 5 ожьство 5, а конемъ... ыта 6 видѣти; да аще кто из ыстьбы вылезеть, напрасно убьенъ бываше невидимо.

Въ лѣто 6601 [1093]. Прѣставися Всѣволодъ; и сѣде Святополкъ Кыевѣ. Въ то же лѣто побѣдиша Половчи Святопълка и Мьстислава на Трьполи.

Въ лѣто 6603 [1095]. Иде Святопълкъ и Володимиръ на Давыда Смольньску, и вдаша Давыду Новъгородъ. Въ то же лѣто придоша въ Русь прузи августа въ 28.

Въ лѣто 6605 [1097]. Слепленъ бысть Василко. /л.6об./ Въ то же лѣто, зимѣ, побѣди Мьстислав... новгородци 1 Олга на Кулацьскѣ,. .кое 2 говение. Томь же лѣтѣ, на 3 ве... горѣ 3 онъ полъ, а 3-и день Дѣтиньць съгорѣ городъ; и Книну 4 чядь избишя.

Въ лѣто 6609 [1101]. Прѣставися Всѣслав, Полочьскыи князь.

Въ лѣто 6611 [1103]. Идоша вся брятья 5 Русьскыя земля на Половьцѣ, на Сутѣнь, и побѣдиша я, и князя ихъ имѣние заяша. Семь же лѣтѣ побѣдиша Ярослава Моръдва Муромѣ. Въ то же лѣто заложиша 6 церковь Благовѣщение Мьстислав князь на Городищи. /л.7./

Въ лѣто 6612 [1104]. Приде Никифоръ, митрополитъ сурьскыи. 7

Въ лѣто 6613 8. [1105] Поставлени быща епископи: Лазо’рь, Мина, Амфилохии. Томь же лѣтѣ идоша въ Ладогу на воину; и погорѣша хороми от ручия, мимо Славьно, до святого Илие.

Въ лѣто 6614 [1106]. Избиша Половьче на Дунаи. Въ то же лѣто пострижеся Святоша князь, сынъ Давыдовъ, Цьрниговѣ, тьсть Всѣволожь.

Въ лѣто 6615 [1107]. Трясеся земля въ 5 февраря.

Въ лѣто 6616 [1108]. Прѣставися архиепископъ 9 новъгородьскыи Никита, мѣсяця генваря въ 30; а на весну почяшя пь/л.7об./сати святую Софию, стяжяниемь святого владыкы 10.

Въ лѣто 6617 [1109]. Бысть вода велика въ Дьнѣпри, и въ Деснѣ, и въ Припетѣ. И концяша трьпезницю Печерьскаго манастыря. Въ то же лѣто заложена бысть церкы княземь Святопълкомь Кыевѣ.

Въ лѣто 6618 [1110]. Приде архепископъ Иоанн въ Новъгородъ 11 мѣсяця декабря въ 20.

Въ лѣто 6619 [1111]. Иде Святопълкъ, Володимиръ, Давыдъ и вся земля просто Русская на Половьце, и побѣдиша я, и възяшя дѣти ихъ, и городъ по Дънови Суртовъ 1 и Шарукань. Тъгда же погорѣ Подолье Кыевѣ, и Цьрниговъ и Смолньскъ и Новъгоро/л.8./дъ. Томь же лѣтѣ прѣставися Иоанн епископъ черниговьскыи. Томь же лѣтѣ ходи Мьстислав на Очелу.

Въ лѣто 6621 [1113]. Ходи Ярослав на Ятвягы, сынъ Святопълчь; и пришьдъ съ воины 2, поя дъчерь Мьстиславлю. Томь же лѣтѣ прѣставися Святопълкъ, а Володимиръ сѣдѣ на столѣ Кыевѣ. Въ се же лѣто прѣставися Давыдъ Игоревиць. Семь же лѣтѣ побѣди Мьстислав на Бору Чюдь. Въ то же лѣто заложена бысть церкы Новегородѣ святого Николы. Въ то же лѣто погорѣ онъ полъ, на сеи же сторонѣ городъ Кромьныи, от Лукинъ пожаръ.

Въ лѣто 6622 [1114]. Прѣставися Святослав Переяславли. Въ то же лѣто поста /л.8об./ виша Фектиста епископа Чьрнигову.

Въ лѣто 6623 [1115]. Съвъкупишася братья Вышегородѣ: Володимиръ, Ольгъ, Давыдъ, и вся 3 Русьская земля, и освятиша церковь камяну маия въ 1 4, а въ 2 перенесоша Бориса и 5 Глѣба, индикта въ 8. Въ то же 6 лѣто бысть знамение въ солнци 7, якоже погыбе. А на осень прѣставися Ольгъ, сынъ Святославль 8, августа въ 1. А Новѣгородѣ измьроша коня вся у Мьстислава и у дружины его. Том же лѣтѣ заложи Воигость церковь святого Федора Тирона, априля въ 28.

Въ лѣто 6624 [1116]. Иде Мьсти/л.9./славъ на Чюдь с новгородьци и възя Медвѣжю голову на 40 святыхъ. Въ то же лѣто Мьстиславъ заложи Новъгородъ болии пьрваго. Том же лѣтѣ Павьлъ, посадникъ ладожьскыи 8, заложи Ладогу городъ камянъ.

Въ лѣто 6625 [1117]. Иде Мьстиславъ Кыеву на столъ из Новагорода марта въ 17; а сынъ посади Новѣгородѣ Всѣволода на столѣ. Въ то же лѣто бысть знамение Новѣгородѣ въ святѣи Софии от грома, мѣсяця маия въ 14, въ час 10: вечерню поющимъ, единъ от дьякъ зараженъ бысть от грома, а клиросъ вьсь 9 съ людьми падоша ници, нъ /л.9об./ живи быша. А на вечеръ бысть знамение въ лунѣ. Въ то же лѣто игуменъ Антонъ заложи церковь камяну святыя Богородиця манастырь. Въ се же лѣто прѣставися Добрына, посадникъ новгородьскыи, декабря въ 6.

Въ лѣто 6626 [1118]. Прѣставися Дъмитръ Зивидиць, посадникъ новъгородьскыи, иуля 1 въ 9 1, посадницявъ 7 мѣсяць одину. Томь же лѣтѣ приведе Володимиръ съ Мьстиславомь вся бояры новгородьскыя Кыеву, и заводи я къ честьному хресту, и пусти я домовь, а иныя у себе остави; и разгнѣва/л.10./ся на ты, оже то грабили Даньслава и Ноздрьчю, и на сочьскаго на Ставра, и затоци я вся.

Въ лѣто 6627 [1119]. Заложи Кюрьякъ игуменъ и князь Всѣволодъ церковь камяну манастырь святого Георгия Новѣгородѣ. Въ то же лѣто прѣставися Къснятинъ Мосѣовиць, посадникъ. Томь же лѣтѣ съвѣршена бысть черкы Антонова святая Богородиця Новѣгородѣ 2.

Въ лѣто 6628 [1120]. Приде Борисъ посадницитъ въ Новъгородъ.

Въ лѣто 6630 [1122]. Прѣставися Мьстиславляя Хрьстина. Томь же лѣтѣ оженися Мьстиславъ Кые/л.10об./вѣ, поя Дмитровьну Новѣгородѣ Завидиця.

Въ лѣто 6631 [1123]. Оженися Всѣволодъ, сынъ Мьстиславль 3, Новѣгородѣ. Въ то же лѣто падеся церкы святого Михаила, Переяславли; а на весну ходи Всѣволодъ съ новгородьци на Емь, въ вѣликое говение, и побѣди я; нъ лютъ бяше путь, оже купляху по ногатѣ хлѣбъ.

Въ лѣто 6632 [1124]. Мѣсяця августа въ 11 день, передъ вечернею, почя убывати солнця, и погыбе всѣ; о, великъ страхъ, и тьма бысть, и звѣзды быша и мѣсяць; и пакы начя прибывати, и въ /л.11./ бързѣ напълнися; и ради быша вси по граду.

Въ лѣто 6633 [1125]. Преставися Володимиръ великыи Кыевѣ, сынъ Всѣволожь; а сына его Мьстислава посадиша на столѣ отци. Въ то же лѣто бяше буря велика съ громомь и градомь, и хоромы раздьра, и съ божниць вълны раздьра, стада скотины истопи въ Волховѣ, а другыя одва переимаша живы. Томь же лѣтѣ испьсаша божницю Антонову. Въ то же лѣто посадиша на столѣ Всѣволода новгородци 4.

Въ лѣто 6634 [1126]. Ходи Всѣволодъ къ отцю Кыеву, и приде опять Новугороду на столъ мѣсяця /л.11об./ февраря въ 28. Въ то же лѣто въдаша посадницъство Мирославу Гюрятиницю.

Въ лѣто 6635 [1127]. Заложи церковь камяну святого Иоанна Всѣволодъ Новѣгородѣ, на Петрятинѣ дворѣ, въ имя сына своего. Въ то же лѣто паде метыль густъ по земли и по водѣ и по хоромомъ, по 2 нощи, а по 4 дни. Томь же лѣтѣ обложи трьпезницю камяну Антонъ игуменъ Новегородѣ. Томь же лѣтѣ вода бяше велика въ Волховѣ, а снѣгъ лежа до Яковля дни; а на осень уби морозъ вьрьшь всю и озимицѣ; и бы голодъ и цересъ зиму, ръжи осминка /л.12./ по полугривнѣ.

Въ лѣто 6636 [1128]. Прѣставися 1 игуменъ Кюрьякъ святого 2 Георгия. Томь же лѣтѣ прѣставися Иоанн, сынъ Всѣволожь, вънукъ Мьстиславль, априля въ 16. Въ то же лѣто въдаша посадницьство Новѣгородѣ Завиду Дмитровицю. Въ се же лѣто лютѣ бяше: осминъка ръжи по гривнѣ бяше; и ядяху люди листъ липовъ, кору березову, инии молиць истълъкше, мятуце съ пелъми и съ соломою; инии ушь, мъхъ, конину; и тако другымъ падъшимъ от глада, трупие по улицямъ и по търгу и по пу/л.12об./тьмъ и всюду; наяша наимиты возити мьртвьця из города; а смородъмь нелга вылести. Туга, бѣда на всѣхъ, отець и мати чадо свое въсажаше въ лодью 3 даромь гостьмъ, ово ихъ измьроша, а друзии разидошася по чюжимъ землямъ. И тако по грѣхомъ нашимъ погыбе земля наша. Въ се же лѣто вода бяше велика въ Волхове, и хоромъ много сноси. И князь Полотьскыи умре Борисъ Всеславиць; и Завидъ, посадникъ новгородьскыи, умре, Дъмитровиць.

Въ лѣто 6637 [1129]. Въниде ис Кыева Данилъ посадницитъ Новугороду. /л.13./

Въ лѣто 6638 [1130]. Иде Всѣволодъ съ новгородьци на Чюдь зимѣ, въ говение, и самы исеце, а хоромы пожьже, а жены и дети приведе домовь. Въ то же лѣто ходи Кыеву 4 къ отцю. Въ то же лѣто коньця церковь святого Иоанна. Въ се же лѣто, идуце и-замория съ Готъ, потопи лодии 7, и сами истопоша и товаръ, а друзии вылезоша, нъ нази; а из Дони придоша сторови. Въ се же лѣто отвьржеся архепископъ Иоанн Новагорода, и поставиша архепископа Нифонта, мужа свята и зѣло боящяся бога; и приде Новугороду мѣсяця генъвря в 1 день, на святого Василья, на обедьнюю; /л.13об./ а Петрилу даша посадницатъ Новугороду.

Въ лѣто 6639 [1131]. Бысть знамение въ солнци, въ вечернюю, марта въ 30. Томь же лѣтѣ, на зиму, иде Всѣволодъ на 5 Чюдь; и створися пакость велика: много добрыхъ мужь избиша въ Клинѣ новъгородьць, мѣсяця генъваря въ 23, въ суботу. Тъгда же Антона игуменомь Нифонтъ архепископъ постави.

Въ лѣто 6640 [1132]. Прѣставися Мьстиславъ Кыевѣ, Володимириць, априля въ 14; а Яропълкъ седе на столѣ, брат Мьстиславль. Въ се же лѣто хо/л.14./ди Всѣволодъ въ Русь Переяславлю, повелениемь Яропълцемъ, а целовавъ крестъ къ новгородцемъ 6, яко хоцю у васъ умерети. И рече Гюрги и Андрѣи: «се Яропълкъ, брат наю, по смерти своеи хощеть дати Кыевъ Всеволоду, братану своему»; и выгониста и ис Переяславля. И приде опять Новугороду; и бысть въстань велика въ людьхъ; и придоша пльсковици и ладожане Новугороду, и выгониша князя Всѣволода из города; и пакы съдумавъше, въспятиша и Устьяхъ 1; а Мирославу даша посадь/л.14об./ницяти въ Пльскове, а Рагуилови въ городѣ.

Въ лѣто 6641 [1133]. Бысть знамение въ солнци прѣдъ вечернею. И томь же лѣтѣ обновиша мостъ цересъ Волхово, рушивъше; и церкви сърубиша 2 деревянѣ на Търговищи: святую Богородицю и святого Георгия, при князи Всеволодѣ. Томь же лѣтѣ, на зиму, иде Вьсеволодъ съ новгородьци на Чюдь, и възя городъ Гюргевъ, на память святого Никифора, февраря въ 9 день.

Въ лѣто 6642 [1134]. Почаша мълъвити о Сужьдальстѣи воинѣ новъгородци и у/л.15./биша мужь свои 2 и съвьргоша и съ моста въ суботу Пянтикостьную. Томь же лѣтѣ погорѣ Търговыи полъ, от ручья Плътьницьнаго до конця Хълма, якоже и преже бяше погорѣлъ; а церквии цстьныхъ 10 съгорѣ, августа въ 4. Томь же лѣтѣ ходи Всѣволодъ съ новгородьци, хотя брата своего посадити Суждали, и воротишася на Дубнѣ опять; и на томь же пути отяша посадницьство у Петрила и даша Иванку Павловицю. А Изяславъ иде Кыеву; и раздьрася вся земля Русьская. Томь же лѣтѣ рубоша новгородць за моремь /л.15об./ въ Дони. И иде Исаия игуменъ съломь Кыеву; приде опять съ митрополитомь Михаи•ломь Новугороду, декября въ 9. В то же лѣто, на зиму, иде Всѣволодъ на Суждаль ратью, и вься Новгородьская область, мѣсяця декабря въ 31; и сташа денье зли: мразъ, вьялиця, страшно зѣло. И бишася на Ждани горѣ, и много ся зла створи: и убиша посадника новгородьскаго Иванка, мужа храбра зѣло, мѣсяця генъваря въ 26, и Петрила Микулъциця и много добрыхъ муж, а суждальць боле; и створше миръ, придоша опять. И пустиша ми/л.16./трополита Кыеву, мѣсяця феурря въ 10, въ мясопустную недѣлю, а на Суждаль идуце, не пустиша его, а онъ мълвляше имъ: «не ходите, мене богъ послушаеть». И пришьдъше, даша посадницьство Мирославу Гюрятиницю.

Въ лѣто 6643 [1135]. Ходи Мирославъ посадникъ из Новагорода миритъ кыянъ съ церниговьци, и приде, не успевъ ницто же: сильно бо възмялася вся земля Русская; Яропълкъ к собе зваше новъгородьце, а церниговьскыи князь к собе; и бишася, и поможе богъ Олговицю съ церниговчи, и многы кыяны исеце, а другыя изма руками. И не то бяше зло, нъ боле почяста копити /л.16об./ вои и Половче и всѣ. Въ то же лѣто заложи церковь камяну святыя Богородиця на Търговищи Всѣволодъ, Новегородѣ, съ архепископъмь Нифонтомь. Томь же лѣтѣ Ирожнетъ заложи церковь святого Николы 3 на Яколи улици. Въ то же лѣто, на зиму, иде въ Русь архепископъ Нифонтъ съ лучьшими мужи и заста кыяны съ церниговьци стояце противу собе, и множьство вои; и божиею волею съмиришася. А Мирославъ прѣставися до владыкы, генуаря въ 28; а епископъ приде феурря въ 4; а посадницьство даша Костянтину Микулъцицю Новегородѣ.

Въ лѣто 6644 [1136]. Индикта лѣта /л.17./ 14, новгородьци призваша пльсковиче и ладожаны и сдумаша, яко изгонити князя своего Всѣволода, и въсадиша въ епископль дворъ, съ женою и съ дѣтьми и съ тыцею, мѣсяця маия въ 28; и стражье стрежаху день и нощь съ оружиемь, 30 мужь на день. И сѣде 2 мѣсяця, и пустиша из города июля въ 15, а Володимира, сына его, прияша. А се вины его творяху: 1, не блюдеть смердъ; 2, «чему хотелъ еси сести Переяславли»; 3-е, «ехалъ еси съ пълку переди всѣхъ, а на то много; на початыи велевъ ны, рече, къ Всѣволоду приступити, а пакы отступити велить» 1; не пустиша его, /л.17об./ донелѣже инъ князь приде. Тъгда же съгорѣ церкы святого Въскресения манастырь. Въ то же лѣто приде Новугороду князь Святославъ Олговиць ис Цернигова, от брата Всеволодка, мѣсяця июля въ 19, преже 14 каланда августа, въ недѣлю, на сборъ святыя Еуфимие, въ 3 час дне, а луне небеснѣи въ 19 день. Томъ же лѣтѣ, наставъшю индикта 15, убиша Гюргя Жирославиця и съ моста съвѣргоша, мѣсяця септября. Въ то же лѣто святиша церковь святого Николы великымь священиемь, въ 5 декабря. Въ то же лѣто оженися Святославъ Олговиць Новегородѣ, и вѣньцяся своими попы у святого Николы; /л.18./ а Нифонт его не 2 вѣньця, ни попомъ на сватбу 3, ни церенцемъ дасть, глаголя: «не достоить ея пояти». Въ то же лѣто стрѣлиша князя милостьници Всѣволожи, нъ живъ бысть.

Въ лѣто 6645 [1137].Вперёдщю въ 7 марта, индикта лѣту 15, бѣжя Костянтинъ посадникъ къ Всѣволоду и инѣхъ добрыхъ мужь нѣколико; и въдаша посадницити Якуну Мирославицю Новѣгородѣ. Въ то же лѣто приде князь Мьстиславиць Всѣволодъ Пльскову, хотя сѣсти опять на столе своемь Новѣгородѣ, позванъ отаи новгородьскыми и пльсковьскыми мужи, приятели его: «поиди, княже, /л.18об./ хотять тебе опять». И яко услышано бысть се, яко Всѣволодъ Пльсковѣ съ братомь Святопълкомь, и мятежь бысть великъ Новегородѣ: не въсхотѣша людье Всѣволода; и побѣгоша друзии къ Всѣволоду Пльскову, и възяша на разграбление домы ихъ, Къснятинъ, Нѣжятинъ и инѣхъ много, и еще же ищюще то, кто Всеволоду 4 приятель бояръ, тъ имаша на нихъ нѣ съ полуторы тысяце гривенъ, и даша купцемъ крутитися на воину; нъ сягоша и невиноватыхъ. Потомь же Святославъ Олговиць съвъкупи всю землю Новгородьскую, и брата своего /л.19./ приведе Глѣбъка, куряны съ Половьци, идоша на Пльсковъ прогонитъ Всѣволода. И не покоришася пльсковици имъ, ни выгнаша князя от себе, нъ бяхуть ся устерегли, засекли 1 осекы всѣ; и съдумавъше князь и людье на пути, въспятишася на Дубровьнѣ, и еще рекъше: «не проливаиме кръви съ своею братьею, нѣгли богь управить своимь промысломь». Тъгда же прѣставися князь Всѣволодъ Мьстиславиць Пльсковѣ, и яшася пльсковици по брата его Святопълка; и не бе мира съ ними, ни съ сужьдальци, ни съ смольняны 2, ни съ полоця/л.19об./ны, ни съ кыяны. И стоя всѣ лѣто осмьнъка великая по 7 резан.

Въ лѣто 6646 [1138]. Мѣсяця марта, въ 9 день, на 40 Святыхъ, бысть громъ велии, яко слышахомъ чисто, въ истьбѣ сѣдяще. Въ то же лѣто выгнаша князя Святослава, сына Ольгова, из Новагорода, мѣсяця априля 17, въ недѣлю 3 по 3 пасцѣ 3, сѣдевъша 2 лѣта бес трии мѣсяць. Томь же лѣтѣ слашася по Гюргя Володимириця Суждалю; а въ 23 того мѣсяця пополошишася людье: сългаша бо, яко Святоаълкъ у города съ пльсковици; и высушася всь городъ къ Сильнищю, и не бы ничтоже, а Святославлюю прияша Но/л.20./ вѣгородѣ съ лучьшими мужи, а самого Святослава яша на пути смолняне и стрѣжахуть его на Смядинѣ въ манастыри, якоже и жену его Новегородѣ у святое Варвары въ манастыри, жидуще оправы Яропълку съ Всѣволодкомь. Въ то же лѣто въниде князь Ярославъ, сынъ Гюргевъ, вънукъ Володимирь, и-Суждаля Новугороду на столъ, маия въ 10; и съ пльсковици съмиришася. Въ то же лѣто 4 князь Кыевьскыи Яропълкъ, и седѣ на столѣ брат его Вячеславъ.

Въ лѣто 6647 [1139]. Приде Гюрги князь и-Суждаля Смольньску и зваше новгородьце на Кыевъ /л.20об./ на Всѣволодка, и не послушаша его. И тъгда бѣжа Ростиславъ Смольньску къ отцю из Новагорода, септября 1, сѣдѣвъ въ Новѣгородѣ 8 лѣт и 4 мѣсяцѣ; и разгнѣвася Гюрги, идя опять Суждалю, възя Новыи търгъ. И послашася новгородци Кыеву по Святослава по Олговиця, заходивъше ротѣ; и бѣ мятежь Новѣгородѣ, а Святослав дълго не бяше. Въ то же лѣто въниде князь Святослав 5 Олговиць Новугороду и сѣдѣ на столѣ мѣсяця декабря въ 25.

В лѣто 6648 [1140]. Въ 20 марта бысть знамение въ солнчи, и толико оста его, якоже бываеть мѣсяць 4 днии, и пакы до захо/л.21./да напълнися.

Въ то же лѣто потоциша Кыеву къ Всѣволоду Къснятина Микулъциця, и пакы по немь инѣхъ муж 6, оковавъше, Полюда Къснятиниця, Дьмьяна, инѣхъ колико.

Библиотека Якова Кротова

Историческая достоверность

НОВГОРОДСКАЯ ПЕРВАЯ ЛЕТОПИСЬ СТАРШЕГО ИЗВОДА - это первичный материал, являющийся исторически ДОСТОВЕРНЫМ. Даже некорректный перевод на современный русский язык, может существенно изменить исторический ФАКТ, и уж, тем более, трактовки "заинтересованных". Предлагаю читателям ознакомиться с первоисточником, а, в дальнейшем, если возникнут споры по истории РУСИ, ссылаться на первичный материал. В данной Летописи отражены основные события периода с 1017 по 1140 г.г.

Валерий, г. Пермь

Действительно, легенды могут исказить информацию

Спасибо, прочитано. Попробуй эту статью сам разместить в разделе Статьи на своем сайте.
Кстати, после 24 декабря Медведь переворачивается на другой бок:)
Не спи, давай, работай:)
Маша